Замини да волонтираш во Европа — без да платиш ниту денар.

Не плаќаш. Патот, сместувањето, храната, осигурувањето и јазичната поддршка ги покрива програмата. Плата не добиваш — добиваш месечен џепарлак за лични трошоци, чија висина зависи од земјата во која одиш. Ако некој ти бара пари за да те „вклучи“ во ЕСК или ти нуди „сигурно место“ за одреден износ, тоа не е Европски солидарен корпус.

Толку колку да се договориш. Не се бара сертификат и не се полага испит. Јазичната поддршка ја добиваш преку платформата на програмата, а јазикот на земјата во која одиш најбрзо се учи откако ќе стигнеш — токму затоа програмата и го плаќа тоа учење.

ЕСК не е студиска размена и сам по себе не носи кредити. Ако си студент/ка, разговарај со факултетот пред да заминеш — на некои насоки волонтерската пракса се признава, на други не. Ако си вработен/а, ова бара целосно отсуство. Напиши ни каква е твојата ситуација и ќе ти кажеме искрено дали има смисла или подобро да почекаш.

Зависи од земјата и од должината на престојот. За подолгите престои најчесто се бара дополнителна документација. Не гаѓај и не се потпирај на тоа што прочитал/а на форум — пиши ни со земјата што те интересира и ќе ти кажеме што конкретно се бара и кој што подготвува. Тоа е дел од чекор 5, подготовката пред тргнување.

Долгорочното волонтирање трае од 2 до 12 месеци; постојат и краткорочни престои од две недели до два месеци. Пријави примаме преку целата година, нема рок. Јави се барем неколку месеци пред посакуваниот почеток, за да има време да се најде проект и да се среди документацијата.

Во разговор — да. Тоа се две одделни програми на Европската унија што ги водат истите агенции. ЕСК е програмата за волонтирање — тоа што многумина го викаат „Еразмус волонтирање“. Еразмус+ ги покрива младинските размени, обуките, стручното образование и студентската мобилност.

Тоа е причина да се јавиш, а не да се откажеш. Програмата предвидува дополнителна поддршка токму за млади со помалку можности, а волонтер на кој му е потребно може да замине и со придружник. Кај нас пристапноста не е декларација на хартија: членови на здружението секојдневно работат во дневните центри за лица со попреченост во Делчево и во Штип — Ново Село.

Границата 18–30 ја пишува Европската унија во регулативата за Европскиот солидарен корпус. Ниту ние, ниту која било организација во Европа не може да ја заобиколи — ако ти кажеме „да“, пријавата би паднала на финансирање и би чекал/а месеци за одбивање. Под 18 години може да се вклучиш во нашите локални активности со согласност од родител. Над 30 — локалното волонтирање нема горна граница.

Затоа постои договорот и затоа постои менторот. Проблемите се решаваат прво на лице место, со менторот и со координаторот на проектот, а ние сме твојата страна во таа врска и не престануваме да бидеме тоа откако ќе заминеш. Ако нешто сериозно тргне наопаку, престојот може и да се прекине — за тоа постои постапка и не си заглавен/а таму.

Не, ниту еден досега во Северна Македонија. Имаме важечка Ознака за квалитет како организација домаќин и подготвени сме, но тоа сè уште не се случило. Затоа на оваа страница нема изјави од волонтери — нема да измислуваме. Улогата за поддршка — испраќање млади од Македонија на волонтирање во странство — е дел од истата ознака, и токму заради неа е напишана оваа страница.